ghoema van'ie kaap

die ghoema van’ie kaap
pols met’ie stoccato van’ie slaaf se hart
tap van’ie boesman se stap
en trap wat’ie khoikhoi rap

sy struggles, sy lied
sy lief- en heimweë sus

kaaps, die slang in die gras
perk van opvoeding gepik
taal standard anti-gif beprik
sin verleng, ‘n bedeling beding
vir die besing van bedoeling
in aangesig van gebrek en gebrekkigheid
plus vyf-laastrek, for history’s sake
make no mistake, dis 'n bedwelling

die blikkie se boem is yt
platneusvokaal uitgesnuit
hoor hoe lekke slarrie ghoema
pols met’ie stocatto van’ie slaaf se hart
tap van’ie boesman se stap
trap wat’ie khoikhoi rap

sy struggles, sy lied
sy lief- en heimweë

sy moedertaal is vreemd
in die moederland
is moederstong gesny
van moedersdenke
moedersmond van goud ontvul
keel met klip van vaderland bevul
onder bedenkinge beset en besteel
en van landskap verstom

gereg en geregtigheid slaafs
deur koningskind bepaal
en met bloed en vet betaal
die strop is getrek
die tou lank genoeg
slaan die drom, dis tyd
kom ons dans in die sirkel van verbeelding
!gda

Tickets, please...

"Regret, all shortcuts taken. Detours available on special, sale on a wide range. Call at back door, knock son clave for attention. Otherwise, ask not for whom the roll roads. Tickets, please..."

ver-onding

gestroop van self en koers
die pad verbeister
leemte het opgeraak
leeg geloop in ‘n verlamde uurglas

vervalle in doodloopstraat,
‘n plakkerskamp op niemandlandsvlakte
wat grens aan private eiendom
gemerk met ‘n vreemde kruis

omring met hakkiesdraad wat strop trek
bewaak met biskruit en die dood wat hang,
bekom deur verkragting van die siel
kranksinnige uitbuiting van die vlees

verpletterd getap van lewenswaardigheids- sap
emosie gestomp, bedwoof en bedwelm
in willekeurige slawerny
met bybel en wyn,
die loon

die vuil bloed wat loop in die are
en uit die hartpomp van die arme,
wat broer met ‘n lem in die rug beboet
en suster plats dronk ver-onmin

daar’s ‘n ondingskap gesmelt
‘n polymorph uit die vuurherd van volgehoue
rasse hitte, gestook deur haat, veraat,
gulsig-gierigheid en vrees

die onbekende alleen ken
die koloniale ghetto se geheim,
die wit olifant, die swart skaap
die boesmanskind

verdrukkersmaskers behou die skein
op die on-ding wat sluimer
in die lamheid van dinge
liefs onaangedaan gelaat
!gda